Əsas səhifə Haqqımızda Xəbər lenti

Karantin qaydalarını pozan sürücü məsuliyyətə cəlb olunub

Karantin qaydalarını pozan sürücü məsuliyyətə cəlb olunub

Mikroavtobusda olan 8 sərnişin barəsində də tədbirlər görülüb

 

Nazirlər Kabineti yanında Operativ Qərargahın qərarına əsasən, xüsusi karantin rejiminin sərtləşdirildiyi şəhər və rayonların ərazilərində həftəsonları bütün ictimai nəqliyyatın fəaliyyəti qadağan olunub. Təəsüflər olsun ki, hələ də qayda pozuntusuna yol verən şəxslər var.

 

Daxili İşlər Nazirliyinin (DİN) Mətbuat Xidmətinin Quba regional qrupundan AYNA-ya verilən məlumata görə, karantin qaydalarını pozaraq qanunsuz fəaliyyətlə məşğul olan Xaçmaz rayon sakini Asif Əskərov idarə etdiyi “Qazel” markalı mikroavtobusla sərnişin aparan zaman rayon ərasizində Xacmaz Rayon Polis Şöbəsinin əməkdaşları tərəfindən saxlanılıb.

 

Şöbə əməkdaşları tərəfindən sürücü ilə izahedici söhbətlər aparılıb və törətdiyi qayda pozuntusu barədə məlumat verilib. Karantin qaydalarını pozan A.Əskərov və mikroavtobusda olan 8 sərnişin barəsində qanunauyğun tədbirlər görülüb.

Müəllif: Ayna.az      16 Avqust 2020 21:02
Aktual bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin