Əsas səhifə Haqqımızda Xəbər lenti

Fransa Azərbaycanlıları Koordinasiya Şurasına əlaqələndirici seçilib

Fransa Azərbaycanlıları Koordinasiya Şurasına əlaqələndirici seçilib

Toplantı iştirakçıları görülən işləri müzakirə edib və gələcək planlardan danışıblar

 

Fransa Azərbaycanlıları Koordinasiya Şurası hesabat verib və Şuranın yeni əlaqələndiricisi seçilib. Diasporla İş üzrə Dövlət Komitəsindən AYNA-ya verilən məlumata görə, qurumun sədri Fuad Muradov Fransadakı nümayəndələrlə videokonfrans keçirib.

 

F.Muradov Fransadakı diaspor üzvlərinin pandemiya dövründəki fəaliyyətini və Ermənistanın iyul təxribatları zamanı Parisdə izdihamlı aksiyalar keçirmələrini müsbət qiymətləndirib. O, Koordinasiya

Şuralarının, o cümlədən Fransa Azərbaycanlıları Koordinasiya Şurasının yaranmasının diaspor hərəkatına mütəşəkkillik və dinamika gətirdiyinə diqqəti cəlb edib.

 

Sonra Diasporla İş üzrtə Dövlət Komitəsinin fəaliyyətini əks etdirən videoçarx nümayiş olunub. Fransa Azərbaycanlıları Koordinasiya Şurasının əlaqələndiricisi, "Qarabağ" məktəbinin və Azərbaycan–Fransa Mədəniyyət Assosiasiyasının rəhbəri Toğrul Zeynalov Şuranın və Fransanın Nant şəhərində yerləşən, Birinci vitse-prezident Mehriban xanım Əliyevanın təşəbbüsü ilə açılan “Qarabağ” Azərbaycan məktəbinin fəaliyyəti barədə məlumat verib.

 

Toplantı iştirakçıları görülən işləri müzakirə edib və gələcək planlar, yeni layihələr barədə təklif və rəylərini bildiriblər.

 

Tədbirdə Fransada fəaliyyət göstərən diaspor təşkilatlarının nümayəndələri, diaspor fəalları və ölkəmizin Fransadakı səfirliyinin səlahiyyətli şəxsləri iştirak ediblər.

 

Komitə sədri Toğrul Zeynalovun əlaqələndirici kimi gördüyü işləri yüksək qiymətləndirib və onun təşəkkürnamə ilə mükafatlandırıldığını bildirib.

 

Videokonfrans Fransa Azərbaycanlıları Koordinasiya Şurasının əlaqələndiricisinin seçilməsi ilə başa çatıb.

Müəllif: Ayna.az      15 Avqust 2020 14:51
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin