Baş Nazir Əli Əsədov sərəncam imzalayıb

Baş Nazir Əli Əsədov sərəncam imzalayıb

Azərbaycan Livana 1 milyon ABŞ dolları maliyyə yardımı göstərəcək

 

Azərbaycanın Baş Naziri Əli Əsədov Livan Respublikasına maliyyə yardımının göstərilməsi barədə sərəncam imzalayıb.

 

AYNA-nın məlumatına görə, qərarda 2020-ci il 4 avqust tarixində Livan Respublikasının paytaxtı Beyrut şəhərində baş vermiş güclü partlayışın çoxsaylı insan tələfatına və irimiqyaslı dağıntılara səbəb olduğu bildirilir.  

 

Qərarda deyilir ki, baş vermiş faciənin nəticələrinin aradan qaldırılması üçün Livan Respublikasının humanitar yardıma ehtiyacını nəzərə alaraq, həmin ölkəyə maliyyə yardımının göstərilməsi məqsədilə Azərbaycan Respublikasının 2020-ci ilin dövlət büdcəsində nəzərdə tutulmuş ehtiyat fondundan Xarici İşlər Nazirliyinə 1 000 000 ABŞ dollarının manat ekvivalenti məbləğində vəsait ayrılıb.

 

Maliyyə Nazirliyinə ayrılan vəsaitin müəyyən olunmuş qaydada ödənilməsini təmin etmək tapşırılıb.

 

Sərəncam imzalandığı gündən qüvvəyə minir.

Müəllif: Ayna.az      5 Avqust 2020 22:31
Siyasət bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin