Bakıda tarixi bina sökülür

Bakıda tarixi bina sökülür

“Turizmi inkişaf etdirməyi düşünən ölkə tarixi sökməz, bərpa edər”

 

“Bakıda, M.Əliyev küçəsi 150 ünvanında, 1890-cı ildə inşa edilmiş tarixi binanı sökürlər. Özü də binada yaşayan vətəndaşları razı salmadan, onlarla anlaşmadan bu addımı atırlar”.

 

AYNA xəbər verir ki, bu xəbəri iqtisadçı-ekspert Natiq Cəfərli şəxsi “Facebook” səhifəsində paylaşıb. O, baş verənləri yolverilməz hadisə kimi dəyərləndirib.

“Bu hökumət hələ də tarixin önəmini, abidənin dəyərini anlaya bilmədi. Turizmi inkişaf etdirməyi düşünən ölkə tarixi sökməz, bərpa edər, hekayə qurar. Bunlar isə lüləkababla turist tutmaq istəyirlər, çünki dünya görüşləri elə lüləkababdan o yana getmir”, - deyə o yazıb.

 

Məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov modern.az-a bildirib ki, hazırda qeyd edilən məsələ araşdırılır: “İctimaiyyətə məlumat veriləcək”.

Müəllif: Ayna.az      29 İyul 2019 11:44
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin