Əsas səhifə Haqqımızda Xəbər lenti

Almaniyadan Azərbaycan vətəndaşları deportasiya ediləcəklər

Almaniyadan Azərbaycan vətəndaşları deportasiya ediləcəklər

Beş nəfərdən ibarət ailə və daha üç azərbaycanlının məhkəmə prosesi keçirilib

 

Almaniya məhkəməsi səkkiz Azərbaycan vətəndaşının ölkədən çıxarılması ilə bağlı qərarı qüvvədə saxlayıb. AYNA-nın “Report”a istinadən məlumatına görə, ötən gün Deggendorf şəhər İdarə Məhkəməsində 2016-cı ildə Almaniyaya gələrək sığınacaq istəyən beş nəfərdən ibarət ailə və daha üç azərbaycanlının məhkəmə prosesi keçirilib.

 

Məhkəmə Almaniya Miqrasiya və Qaçqınlarla iş üzrə Federal İdarənin (BAMF) səkkiz Azərbaycan vətəndaşı barəsində çıxardığı qərarı qüvvədə saxlayıb.

 

Bildirilib ki, koronavirus pandemiyası ilə əlaqədar könüllü ölkəni tərk etməklə bağlı ilkin qərarın icrası mümkün olmadığından, Azərbaycan vətəndaşlarının ölkədən çıxarılması qeyri-müəyyən vaxta təxirə salınıb. 2019-cu ildə Almaniyaya qanunsuz yollarla daxil olan üç Azərbaycan vətəndaşı eyni zamanda 500 avro cərimə ödəməli olacaq.

 

Məlumat üçün bildirək ki, bu ilin sonuncu rübünə kimi aralarında azərbaycanlı sığınacaq axtaranların da olduğu 4000-dən çox şəxsin Almaniyadan deportasiya ediləcəyi gözlənilir.

Müəllif: Ayna.az      2 İyul 2020 10:44
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin