“Ermənistan Qazax və Ağstafada yeni döyüş mövqeyi əldə etməyib” - DSX

“Ermənistan Qazax və Ağstafada yeni döyüş mövqeyi əldə etməyib” -     DSX

“Ermənistan Müdafiə Nazirliyi dezinformasiya yayıb”

 

Azərbaycan Respublikasının Dövlət Sərhəd Xidməti (DSX) Ermənistan Müdafiə Nazirliyinin dezinformasiya yayıldığını bəyan edib. AYNA xəbər verir ki, DSX bununla bağlı məlumat yayıb. Məlumatda qeyd edilir ki, iyunun 4-də Ermənistan Müdafiə Nazirliyinin rəsmi mətbuat orqanı olan “hayzinvor.am” saytında yerləşdirilmiş materialda Ermənistan Silahlı Qüvvələrinin Ermənistanın şimal-şərqində Azərbaycan Respublikası ilə dövlət sərhədində yeni döyüş mövqeyinin yaradılması qeyd edilib:

 

“Bununla əlaqədar Dövlət Sərhəd Xidməti rəsmi olaraq bildirir ki, Qazax və Ağstafa rayonları ərazisində Azərbaycan-Ermənistan dövlət sərhədindən keçən təmas xəttində, Azərbaycan və Ermənistan döyüş mövqeləri arasında Ermənistan tərəfinin öz mövqelərini irəli çəkməklə hər hansı yeni döyüş mövqeyi əldə etməsi barədə məlumat həqiqətə tam ziddir”.

 

“Əksinə, Dövlət Sərhəd Xidmətinin sərhəd-döyüş mövqelərinin irəli çəkilməsi nəticəsində düşmənin bir sıra istiqamətlərdə müxtəlif diversiya və təxribatlar törətmək imkanları ciddi məhdudlaşdırılıb”, DSX-nın açıqlamasında bildirilir.        

Müəllif: Ayna.az      5 İyun 2020 14:34
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin