Uşaq Psixologiya Mərkəzində koronavirus qalmaqalı: Rəhbər susur

Uşaq Psixologiya Mərkəzində koronavirus qalmaqalı:     Rəhbər susur

Mərkəzdən virusa yoluxduğunu iddia edən qadın: “Bu qədər uşağın, ananın ağır koronavirusla can çəkişməsi günah deyil?”

 

Mətbuatda yayılan xəbərə görə, koronavirus testi pozitiv çıxan bir qadın virusa “NARINC” Uşaq Psixologiya Mərkəzinin “Gənclik” filialında yoluxduğunu deyib. Son 25 gündə şəxsi avtomobili ilə yalnız mərkəzə gedib-gələn, oradan başqa heç bir yerə getmədiyini deyən xanım, mərkəzdə pandemiya ilə bağlı nəzarətsizlik və şəraitsizliyin olduğunu bildirib: “Mənə deyirlər, “siz ayrı yerdə də yoluxa bilərsiz”. Necə ola bilər? Hansı yerdə? Öz maşınımla həftənin 6 günü bu mərkəzə gedib-gəlmişəm. Anam-atam yaşlı insanlardır, onların evinə gedib-gəlmirdim, qorxurdum. Onlar sağlamdır, bircə mən virusa yoluxmuşam”.

 

Mərkəzdə sanitar qaydalara əməl olunmadığını deyən qadının sözlərinə görə, uşaqlarını gözləyən valideynlər maskasız, sosial məsafəni gözləmədən toplaşırlar: “Heç kimdən maska tələb olunmur. Qapıda hərarəti ölçən, əlləri dezinfeksiya edən işçi yoxdur. Övladımı orada masaj etdirirdim. Masaj otağı havasız, pəncərəsizdir, havalandırma sistemi işləmir”.

 

3 uşaq anası olduğu deyilən xanım açıqlamasında rəhbərliyi diqqətli olmağa, Mərkəzin həkimlərini müayinə etdirməyə səsləyib: “Mərkəzi bağlayıb dezinfeksiya etsinlər. Gərək, oraya gələnlərin yarısı yoluxsun? Bizə deyirlər, “şikayət etməyin, bura xəstə uşaqlar gəlir, mərkəzi bağlayarlar, günah olar”. Bəs, bu qədər uşağın, ananın ağır koronavirusla can çəkişməsi günah deyil? Mən elə o uşaqların ailəsini düşünüb bunu ictimaiyyətləşdirirəm. Mən yaşadım, siz yaşamayın. Bu, çox ağır xəstəlikdir”.

Müəllif: Aləmdə Nəsib      3 İyun 2020 16:05
Cəmiyyət bölməsinə aid digər xəbərlər
11 İyul
22:06
“Kürəkçay” müqaviləsi – Sonun başlanğıcı
11 İyul
17:57
“Azərbaycanın İsraildə səfirlik açmasının vaxtıdır”
11 İyul
16:42
Azərbaycanda daha 531 nəfər COVID-19-a yoluxub, 6 nəfər vəfat edib
11 İyul
14:35
Hökumət bir də payızda oyanacaq ki...
11 İyul
10:31
Biz həkimə necə və niyə inanaq – 20 manatlıq xəcalət
Ən çox oxunanlar

Ən son xəbərləri səhifəmizdən də izləyin