Azərbaycanın Ata dərdi – AXI NİYƏ?!

Azərbaycanın Ata dərdi –       AXI NİYƏ?!

Gör nə günə düşmüşük ki, obyekt sahibləri vergilərdən yox, blogerdən qorxurlar

 

Şərq əlbəyaxa döyüş növləri ilə məşğul olan bir şəxs Şaolin monastrına gəlir və get diyi yolda ən yüksək pilləyə nail olmaq üçün oranın şagirdi olmaq istədiyini bildirir. Ona başa salırlar ki, bu monastrda qalmaq üçün müəyyən hazırlıq kursu keçməli, sonda iri bir səbətdən suallar yazılmış bükülülərdən birini götürərək imtahan verməlisən.

 

Gənc adam Şaolin fəlsəfəsinə yiyələnmək üçün hər şeyə hazır olduğunu bildirir, soruşur ki, bəs bu imtahanda düşən suallara cavab vermək üçün nə qədər vaxt ayrılır. İzah edirlər ki, suala hazırsansa, o dəqiqə cavab verə bilərsən, deyilsənsə, sakit bir hücrədə istədiyin qədər fikirləşə bilərsən. Dağlara çıxan sonuncu tələbənin nə qədər fikirləşdiyini soruşanda, “14 ildir oradadır, biletinə düşən suala cavab tapa bilmir”, - cavabını alır. Kağız bükülüdə bir sual var idi – “Axı niyə?!”

 

Yaşadığımız dünyanın bütün pozitiv və neqativ hadisələrinə qiymət verərkən, əksər hallarda beynimizdə bir sual açıq qalır – Axı niyə?! Bu sual istənilən sahə ilə bağlı, özümüz istəsək də, istəməsək də, telekanallardan, ağıllı telefonlardan, radiolardan, reklam elanları vasitəsi ilə beynimizə yeridilən informasiya axını zamanı ortaya çıxır. Bəzən cavabını bilə-bilə əsəbimizdən, bəzən isə baş verənləri başa düşə bilməməyimizdən yaranır bu sual.

 

AYNA-nın oxucularının diqqətini ara-sıra ölkəmizdə və dünyada baş verən bu və ya digər hadisələrdə gözəçarpan qəribəliklərə yönəltmək üçün “Axı niyə?!” rubrikasına davam edirik.

 

Bu gündən etibarən Azərbaycanda xüsusi karantin rejimi çərçivəsindəki məhdudiyyətlərin daha bir qismi yumşaldılıb. Belə ki, Nazirlər Kabineti yanında Operativ Qərargahın qərarına görə, insanları maraqlandıran iki əsas məsələ də öz həllini tapıb. Bunlardan biri ölkə ərazisində iri ticarət mərkəzlərinin və “Mall”ların fəaliyyətinin (nəzdindəki uşaq və digər əyləncə mərkəzləri, kinoteatrlar, ictimai iaşə məkanlarının fəaliyyəti istisna olmaqla) bərpa olunması, ikincisi isə Bakı, Sumqayıt, Gəncə, Lənkəran şəhərləri və Abşeron rayonu üzrə restoran, kafe, çay evlərində, eləcə də bütün ictimai iaşə məkanlarında müştərilərə yerində xidmətin (ölkə üzrə bütün ictimai iaşə obyektlərində qəlyan avadanlıqlarından istifadə və 10 nəfərdən artıq toplaşmaqla kütləvi şənliklər, məclislərin təşkili istisna olmaqla) saat 08:00-dan 22:00-dək həyata keçirilməsidir.

Müəllif: Yoldaş Mircəfər      1 İyun 2020 10:15
Cəmiyyət bölməsinə aid digər xəbərlər
11 İyul
22:06
“Kürəkçay” müqaviləsi – Sonun başlanğıcı
11 İyul
17:57
“Azərbaycanın İsraildə səfirlik açmasının vaxtıdır”
11 İyul
16:42
Azərbaycanda daha 531 nəfər COVID-19-a yoluxub, 6 nəfər vəfat edib
11 İyul
14:35
Hökumət bir də payızda oyanacaq ki...
11 İyul
10:31
Biz həkimə necə və niyə inanaq – 20 manatlıq xəcalət
Ən çox oxunanlar

Ən son xəbərləri səhifəmizdən də izləyin