Azərbaycanda Olimpiya kompleksləri açılır - RƏSMİ

Azərbaycanda Olimpiya kompleksləri açılır -         RƏSMİ

Gənclər və İdman Nazirliyi məlumat yayıb

 

Nazirlər Kabineti yanında Operativ Qərargahın 23 may 2020-ci il tarixli növbəti mətbuat konfransında açıq havada idman yarışlarının keçirilməsinin mümkünlüyü vurğulanıb. AYNA xəbər verir ki, bu açıqlamadan irəli gələrək Gənclər və İdman Nazirliyi məlumat yayıb.

 

Məlumatda qeyd edilib ki, Gənclər və İdman Nazirliyinin balansında olan Olimpiya İdman komplekslərinin və digər idman təyinatlı obyektlərin açıq havada yerləşən meydança və qurğuları əhalinin istifadəsinə verilir: “Federasiyalar tərəfindən Gənclər və İdman Nazirliyinə edilən sifarişlər nəzərə alınaraq, Nazirlər Kabineti yanında operativ qərargahın razılığı əsasında idmançıların yoxlanılması, onların xüsusi karantin qaydalarına əməl etmələri və federasiyalar tərəfindən nazirliyə gündəlik hesabatların  verilməsi şərti ilə idman növləri üzrə yığma komandaların qapalı şəraitdə müxtəlif Olimpiya İdman Komplekslərində məşqlərinə icazə verilib. İdmançıların regionlarda yerləşən Olimpiya İdman komplekslərinə məşqlər üçün ezam olunmaları xüsusi icazə qaydalarına (ezamiyyə icazəsi) əsasən aparılacaq”.

Müəllif: Ayna.az      31 May 2020 15:57
İdman bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin