Bakıda külək altı ağacı qırdı

Bakıda külək altı ağacı qırdı

Külək paytaxtın Yasamal, Sabunçu, Suraxanı rayonları ərazilərində fəsadlar törədib

 

Güclü külək Bakıda altı ağacı aşırıb. Bakı Şəhər İcra Hakimiyyətinin Yaşıllaşdırma Təsərrüfatı Birliyindən AYNA-ya verilən xəbərə görə, axşam saatlarından etibarən davam edən güclü külək paytaxtın Yasamal, Sabunçu, Suraxanı rayonları ərazilərində fəsadlar törədib.

 

“Qaynar xətt”ə daxil olan müraciət əsasında, Yaşıllaşdırma Təsərrüfatı Birliyinin əməkdaşları paytaxtın müvafiq ərazilərinə göndərilib. Ümumilikdə külək Bakıda altı ağacı aşırıb. Bir neçə ağacın isə budaqlarının sınmasına səbəb olub. 

 

Məlumatda qeyd olunub ki, həftəsonu olmasına baxmayaraq, hazırda Birliyin əməkdaşları gücləndirilmiş iş rejimində çalışır. Paytaxt ərazisində külək nəticəsində aşmış və aşma ehtimalı olan ağaclarla bağlı müvafiq tədbirlər görülür.

Müəllif: Ayna.az      17 May 2020 18:51
Hadisə bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin