Əsas səhifə Haqqımızda Xəbər lenti

Nyu-Yorkda koronavirusa yoluxan 15 uşaq xəstəxanaya yerləşdirilib

Nyu-Yorkda koronavirusa yoluxan 15 uşaq xəstəxanaya yerləşdirilib

Xəstəliyə daha çox 5 yaşdan aşağı uşaqlar yoluxur

 

ABŞ-ın Nyu-York şəhərində 15 uşaq “kavasaki sindromu” diaqnozu ilə xəstəxanaya yerləşdirilib.

 

AYNA “Qafqazinfo”ya istinadən xəbər verir ki, uşaqlar arasında yeni yayılan və koronavirusla əlaqəsindən şübhə edilən nadir xəstəlik bundan əvvəl 6 Avropa ölkəsində 100 uşaqda müşahidə edilmişdi.

 

Xəstəxanaya yerləşdirilən uşaqların 4-də koronavirus testi də pozitiv çıxıb. 5 nəfər isə süni nəfəs aparatına qoşulub.

 

Simptomları kavasaki xəstəliyinə bənzəyən yeni infeksiya əsasən ürək və damar iltihabı probleminə yol açır.

 

Virusa yoluxanlarda qızdırma, əl və ayaqların şişməsi, gözdə qızarıqlıq, boğazda iltihablanma müşahidə olunur. Xəstəliyə daha çox 5 yaşdan aşağı uşaqlar yoluxur.

 

ÜST artıq xəstəliklə bağlı hərəkətə keçib və araşdırmalar başlayıb.

 

Qeyd edək ki, yeni növ xəstəlik Böyük Britaniya, İtaliya, İspaniya, İsveçrə, Belçika və Fransa kimi Avropa ölkələrində də müşahidə olunur.

Müəllif: Ayna.az      6 May 2020 02:53
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin