Təhlükəli virusla bağlı yeni iddia

Təhlükəli virusla bağlı yeni iddia

Professor koronavirusun donuzlardan insanlara yoluxduğunu deyir

 

Türkiyənin Medipol Universitetinin professoru Fevzi Sefa Dereköy koronavirusla bağlı yeni iddia ortaya atıb. AYNA Türkiyə mediasına istinadən xəbər verir ki, professorun qənaətinə görə, 1960-cı illərdə koronavirus daha çox donuzlar arasında yayılıb.

 

“İllər əvvəl donuzlar bu virusdan kütləvi tələf olub. İndi də eynilə insanlar arasında yayılır və can alır”, - alim deyib.

 

Onun araşdırmasına görə, koronavirus donuz və çiy donuz məhsullarından istifadə zamanı meydana çıxıb və insan yoluxub: “Virus insan hüceyrələrindəki reseptorlara keçə bildiyindən yoluxma baş verib. 2018-ci ilin avqustundan sonrakı 19 ay ərzində “Afrika donuz hərarəti” adlı xəstəlik donuzlar arasında yayılmışdı ki, bu xəstəlik də Çində donuz təsərrüfatlarının çoxunu məhv etdi. Dünyaya donuz ixracının 39%-inin Çinə aid olduğunu nəzərə alsaq, virusun da haradan gəldiyini təxmin etmək olar”.

 

Türkiyəli professor fikirlərini əsaslandıraraq qeyd edib ki, donuzlar arasında xəstəliyin yayılması o vaxtlar ABŞ-da da qeydə alınmışdı: “O vaxt bu səbəbdən donuz məhsullarının keçdiyi yerlər, hətta maşınlar dezinfeksiya olunurdu. Hətta, o zaman virusun insana keçmə ehtimalları da vardı. Çoxu buna inanmasa da, bu gün virusun Çində yarandıqdan sonra ABŞ-da sürətli artması belə izah oluna bilər”.

Müəllif: Ayna.az      8 Aprel 2020 13:44
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin