Daha 175 azərbaycanlı təxliyə olunub

Daha 175 azərbaycanlı təxliyə olunub

Azərbaycana gələn bütün sərnişinlər mütləq qaydada karantinə yerləşdirilib

 

"Azərbaycan Hava Yolları" QSC (AZAL) bu gün İstanbuldan Bakıya çarter reysi yerinə yetirib. 

 

AYNA-ya AZAL-dan verilən məlumata görə, həmin reyslə Bakıya 106 nəfər Azərbaycan vətəndaşı vətənə çatdırılıb. 

 

Eyni zamanda bu gün səhər saatlarında "Azərbaycan Hava Yolları"nın təyyarəsi ilə 69 sərnişin üçün London-Bakı reysi həyata keçirilib.

 

Bundan əlavə, dünən axşam Moskva şəhərindən (Vnukovo hava limanı) uçuş yerinə yetirən AZAL-ın  təyyarəsi Heydər Əliyev Beynəlxalq Aeroportunda enib. Təyyarədə 123 sərnişin olub.

 

Azərbaycana gələn bütün sərnişinlər mütləq qaydada karantinə yerləşdirilib.

 

"AZAL bir daha vətəndaşları ciddi zərurət olmadan evdən çıxmamağa və uçuşlar həyata keçirməməyə çağırır. Nazirlər Kabineti yanında Operativ Qərargahın tələblərinə riayət etmək hər birimizin borcudur", - aviaşirkət bəyan edib. 

Müəllif: Ayna.az      3 Aprel 2020 18:27
Xəbərlər bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin