Voanın xəstəliyinin simptomsuz yarandığı bildirilir
İngiltərənin "Börnli" futbol komandasının məşqçisi Yan Voan koronavirusa yoluxub.
AYNA-nın klubun rəsmi saytına istinadən verdiyi məlumata görə, məşqçilər heyəti və futbolçular COVID-19 testindən ötən həftəsonu keçiblər. Voanın xəstəliyinin simptomsuz yarandığı bildirilir.
Baş məşqçi Şon Dayçın köməkçisi 7 günlük karantinə göndərilib. Lakin o, klub əməkdaşları ilə əlaqə saxlaya biləcək.
Qeyd edək ki, "Börnli" Premyer Liqada 29 oyundan 39 xalla 10-cu pillədə yer alıb.