Cani ana "intim həyatıma mane olur" deyə uşaqlarını öldürüb
İngiltərədə intim həyatına mane olduqları üçün iki uşağını öldürdüyü iddia edilən ana 32 il həbs cəzasına məhkum edilib.
AYNA xarici mediaya istinadən xəbər verir ki, 23 yaşlı Loise Portonun ötən il yanvar və fevral aylarında iki qızını - üç yaşlı Leksi Draper və 17 aylıq Scarlet Vauqhanı boğaraq öldürdüyü iddia edilirdi.
Özünü model kimi tanıdan Porton ötən ilin mart ayında uşaqlarının öldürülməsində şübhəli şəxs kimi saxlanılıb. Porton uşaqlarını öldürdüyünü inkar etsə də, məhkəmənin qərarı ilə uşaqlarının ölümündə günahkar çıxarılıb.
Məhkəmədə Portonun ilk uşağı Lexi öləndən yalnız bir gün sonra 41 kişinin görüş təklifini qəbul etdiyiqeyd olunub. Bundan başqa, prokurorlar 17 gün sonra həyatını itirən ikinci uşağı Scarletin ölümündən sonra isə qadının sakit və duyğusuz olduğunu iddia edib.
Portonun yazılı mesajlarında pul qarşılığında intim xidmət göstərdiyi də məhkəmədə qeyd olunub.
Bundan başqa, Lexi xəstəxanada yatarkən Portonun tualetdə çılpaq fotosunu çəkərək sosial şəbəkədə tanış olduğu adama pul qarşılığında seks təklif etdiyi ortaya çıxıb.
Nəzarətə alındıqdan sonra Portonun telefonunda "Bir cəsəd nə qədər vaxtda soyuyar", "Öldüyünüzdə baş verən beş qəribə şey" kimi axtarışlar etdiyi də müəyyən edilib.