MSK 555 seçki məntəqəsindən nəticələrin yenidən hesablanması üçün müraciətlər alıb
Ermənistan Mərkəzi Seçki Komissiyası (MSK) “Çiçəklənən Ermənistan” Partiyasının, “Birlik Qanadları” Partiyasının və “Ermənistan” blokunun vəkilləri və namizədlərindən 555 seçki məntəqəsindən nəticələrin yenidən hesablanması üçün ərizələr alıb. Bu barədə AYNA.AZ erməni mediasına istinadən bildirir.
"Ümumilikdə 555 məntəqə seçki komissiyasına səsvermə nəticələrinin yenidən hesablanması ilə bağlı sorğular daxil olub. Ərazi Seçki Komissiyaları daxil olan sorğuları ümumiləşdirəcək və hansı məntəqələrin yenidən hesablanacağı barədə məlumat MSK-nın veb saytında dərc olunacaq. ƏSK-lərə heç bir məntəqədə səsvermə nəticələrinin etibarsız hesab edilməsi ilə bağlı heç bir sorğu daxil olmayıb", - deyə MSK-nın məlumatında qeyd edilib.