Azərbaycanlı jurnalisti Amerikaya buraxmadılar

Azərbaycanlı jurnalisti Amerikaya buraxmadılar

ABŞ səfirliyi Azər Sarıyevə viza verməkdən imtina edib

 

ABŞ-ın Azərbaycandakı səfirliyi Fövqəladə Hallar Nazirliyinin əməkdaşı, jurnalist Azər Sarıyevə və həyat yoldaşına viza verməkdən imtina edib.

 

AYNA xəbər verir ki, bu barədə A.Sarıyev öz "Facebook" səhifəsində məlumat verib. 

Картинки по запросу Azər sarıyev

Sözlərinə "Dünyaya ədalət dərsi keçən ABŞ-ın ədalətsiz konsulları" - deyə başlayan jurnalist bunları bildirib: "ABŞ səfirliyindəki konsullar nəyi necə etdiklərini, deyəsən, özləri də bilmirlər. Niyə iş adamına, ictimai fəala viza verilir, dövlət qulluqçusuna viza verməkdən imtina edilir? Bütün dünyaya da ədalət dərsi keçirlər. Əvvəl özünüz ədalətli olun, sonra başqalarına ağıl öyrədin! Bəyənmədiyimiz və bəyənmədiyiniz İran sizə baxanda şükürlüdür ki!"

 

"Yeni nəsil robotlarına oxşayan bir konsul əvvəlcədən əzbərlədiyi sualları cavab gözləmədən tələm-tələsik verir, sonra bir neçə dəqiqəlik yoxa çıxır və qayıdıb gücənə-gücənə rədd cavabı verir. Sən mənə qulaq asmadan, cavabımı düz əməli dinləmədən necə rədd cavabı verə bilirsən ki? Keçmişdə cinayət əməli törətməmişik, terrorist deyilik, uzun illərdir dövlət qulluğunda çalışıram (ixtisas dərəcəm dövlət qulluğunun müşaviridir), xanımım da elmi işçidir, dosentdir, yəni burada normal işimiz-gücümüz var. Belə olan təqdirdə, nəyə əsasən rədd cavabı verilir, mənim üçün hələ də qaranlıqdır" - deyə A.Sarıyev qeyd edib.

Müəllif: Ayna.az      28 İyun 2019 16:08
Cəmiyyət bölməsinə aid digər xəbərlər
Ən çox oxunanlar