Yol hərəkəti qaydalarına iki mühüm dəyişiklik edildi

Yol hərəkəti qaydalarına iki mühüm dəyişiklik edildi

Dəyişikliklər deputatların müzakirəsindən sonra səsverməyə çıxarılaraq qəbul olunub

 

Milli Məclisin bu gün keçirilən plenar iclasında “Yol hərəkəti haqqında” qanuna dəyişiklik layihəsi müzakirəyə çıxarılıb. AYNA xəbər verir ki, qanunun 5 saylı Əlavəsinə “1. Üfüqi nişanlanma qrupuna yeni 1.25 nişanlanma xətti (“sarı kəsişmə toru”) təklif olunub.

 

Layihədə bildirilib ki, yolayrıclarının “sarı kəsişmə toru” ilə işarələnməsi həm sürücülərin bu qayadaya daha ciddi riayət etməsinə, həm də bu sahədə törədilən inzibati xəta hallarının xüsusi texniki vasitələrin köməyi ilə aşkar edilməsinə, eyni zamanda müvafiq cərimələrin tətbiq edilməsinə imkan verəcək və yolayrıclarında yol nəqliyyat hadisələrinin baş vermə ehtimalını azaldacaq.

 

Təklif olunan növbəti nişanlardan biri də 5.53 “Daimi sağa dönmə” nişanıdır. Svetoforun qırmızı işıq bölməsinin sağında (üfüqi yerləşdirilən svetoforda qırmızı işıq bölməsinin solunda) quraşdırılan 5.53 nişanı bu yolayrıcında svetoforun siqnallarından asılı olmayaraq manevr qaydalarına (Başqa istiqamətlərdən gələn gələn nəqliyyat vasitələrinə, habelə dönməyə başladığı və dönəcəyi yolların hərəkət hissəslərini keçməkdə olan və hərəkətinə icazə verilən piyadalara yol verilməlidir) riayət etməklə sağa dönməyə icazə verildiyini bildirir.

 

Layihə müzakirələrdən sonra səsverməyə çıxarılaraq qəbul edilib.

Müəllif: Ayna.az      27 İyun 2019 14:25
Cəmiyyət bölməsinə aid digər xəbərlər
Ən çox oxunanlar