ABŞ-da Sülh Nazirliyinin yaradılması təklif edilib

ABŞ-da Sülh Nazirliyinin yaradılması təklif edilib

"Ölkəmizdə və xaricdə sülh mədəniyyətini tanıtmaq üçün hər cür səy göstərəcəyik" 

 

ABŞ-da 2020-ci il prezident seçkilərində demokratlardan prezidentliyə namizədliyini irəli sürmək istəyən yazıçı Marianna Uilyamson ölkədə yeni nazirliyin - Sülh Nazirliyinin yaradılmasını təklif edib.

 

AYNA Report-a istinadən xəbər verir ki, yazıçının "The Washington Post" nəşrində dərc olunan siyasi məqaləsində deyilir ki, nazirlik Amerika cəmiyyətində köklənmiş zorakılıq mədəniyyəti problemini həll etməlidir.

 

"Təklif edirəm ki, ABŞ-ın Sülh Nazirliyi münaqişələrin həllinə, ədalətin həyata keçirilməsinə, zorakılığın qarşısını almağa, yaşanan travmaların sağalmasına kömək edən bir təhsil sistemi yaratmağa yönəlmiş fəaliyyətləri əlaqələndirsin və nəzarətə götürsün".

 

Siyasətçinin planına görə, yeni qurum bu məqsədlər üçün minlərlə sülhməramlı yetişdirməlidir.

 

"Ölkəmizdə və xaricdə sülh mədəniyyətini tanıtmaq üçün hər cür səy göstərəcəyik" deyə o bildirib. 

Müəllif: Ayna.az      4 Sentyabr 2019 05:32
Dünya bölməsinə aid digər xəbərlər
Ən çox oxunanlar

Ən son xəbərləri səhifəmizdən də izləyin