Yol polisindən sürücülərə xəbərdarlıq: Bu aralar diqqətli olun

Yol polisindən sürücülərə xəbərdarlıq: Bu aralar diqqətli olun

“İstismar müddəti çox olan köhnə avtomobillərlə mümkün qədər uzaq məsafəli səfərlərə çıxmayın”

 

Respublika ərazisində havaların isti keçməsi ilə əlaqədar Respublika Baş Dövlət Yol Polisi İdarəsi (DYP) sürücülərə və avtomobil sahiblərinə müraciət edib. AYNA-ya daxil olan müraciətdə deyilir:

 

“Avqust ayının 26-dək ölkə ərazisində havaların isti keçəcəyi barədə Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumatı nəzərə alaraq, Daxili İşlər Nazirliyinin Baş Dövlət Yol Polisi İdarəsi sürücülərdən və nəqliyyat vasitələri sahiblərindən xahiş edir ki, özlərinin və sərnişinlərin təhlükəsizliyinin təmin olunması məqsədilə günün isti vaxtlarında fərdi nəqıiyyat vasitələri ilə, xüsusilə soyuducu sistemlərlə təchiz olunmamış, istismar müddəti çox olan köhnə avtomobillərlə mümkün qədər uzaq məsafəli səfərlərə çıxmasınlar.

 

Vacib hallarda kondisionerli marşrut avtobuslarından istifadəyə üstünlük verilməsi, soyuducu sistemi olmayan fərdi minik avtomobillərindən istifadə etmək zərurəti yarandığı halda isə yalnız günün nisbətən sərin vaxtlarında istifadə edilməsi tövsiyə olunur.

 

Eyni zamanda sürücülərimiz yuxusuz, yorğun, əzgin halda sükün arxasına əyləşməsinlər. Bir neçə saatlıq fasiləsiz hərəkətdən sonra qısa müddətə də olsa, avtomobili saxlayıb istirahət etmək tövsiyə olunur. Bir daha xatırladırıq ki, bunun üçün respublika əhəmiyyətli yollarda yerləşən DYP-nin stasionar postlarında yaradılan şəraitdən istifadə edə bilərlər”.

Müəllif: Ayna.az      23 Avqust 2019 16:14
Xəbərlər bölməsinə aid digər xəbərlər
Ən çox oxunanlar