Milli parkı bürüyən yanğın lokallaşdırılıb

Milli parkı bürüyən yanğın lokallaşdırılıb

Mürəkkəb relyefli dağlıq ərazinin bəzi yüksək  hissələrində tüstülənmə müşahidə olunur

 

Hirkan Milli Parkının yüksək dağlıq ərazisində baş vermiş yanğının söndürülməsi üçün əraziyə Fövqəladə Hallar Nazirliyinin (FHN) aviasiya dəstəsinin iki helikopteri və bir təyyarəsi də cəlb olunub.

 

Bu barədə AYNA-ya Ekologiya və Təbii Sərvətlər Nazirliyinin (ETSN) mətbuat xidmətindən məlumat verilib. Bildirilib ki, yanğının ətrafa yayılmasının qarşısı alınıb.

 

“Lakin mürəkkəb relyefli dağlıq ərazinin bəzi yüksək  hissələrində tüstülənmə müşahidə olunur. Yanğının söndürülməsində Ekologiya və Təbii Sərvətlər və Fövqəladə Hallar nazirliklərinin əməkdaşları, yerli sakinlər əl əməyindən, mümkün olan bütün vasitələrdən istifadə etməklə xüsusi fədakarlıq göstərirlər”, - deyə məlumatda qeyd olunub.

 

Nazirlikdən bildirilib ki, hazırda tüstülənən sahələrin tam söndürülməsi istiqamətində işlər aparılır. ETSN yanğının söndürülməsində yaxından iştirak edən hər kəsə təşəkkür edir.

Müəllif: Ayna.az      21 Avqust 2019 13:09
Hadisə bölməsinə aid digər xəbərlər
Ən çox oxunanlar