Şəmkirdəki dəhşətli hadisə barədə yeni üzücü xəbər var

Şəmkirdəki dəhşətli hadisə barədə yeni üzücü xəbər var

Qayınatasının evini yandıran kişinin həyat yoldaşı da dünyasını dəyişib

 

Xəbər verdiyimiz kimi, Şəmkir rayon sakini, 1986-cı il təvəllüdlü Elmar Sadıqovun avqustun 18-i gecə saat 03 radələrində qayınatası İ.Məsimovun evinə daxil olub. O, ailədaxili narazılıqlarla bağlı müvəqqəti olaraq ondan ayrılaraq atasının evində yaşayan, 1995-ci il təvəllüdlü həyat yoldaşı Mətanət Məsimovanı öldürmək məqsədilə özü ilə gətirdiyi benzini yatmış halda olan qayınanası, 1964-cü il təvəllüdlü Səltənət Məmmədova və M.Məsimovanın üzərinə töküb.

 

E.Sadıqov, həmçinin benzinin qalan hissəsini evin içərisinə tökərək yandırıb. Nəticədə həmin vaxt evdə olan E.Sadıqovun yatmış azyaşlı oğlu, 2017-ci il təvəllüdlü Nicat Sadıqov aldığı yanıq xəsarətlərindən ölüb.

 

Bundan başqa, Səltənət Məmmədova 55%, Mətanət Məsimova isə 70% (4-cü dərəcəli) bədən yanığı ilə kritik vəziyyətdə, Bakıdakı 5 saylı xəstəxananın yanıq şöbəsinə çatdırılıb. Səhiyyə Nazirliyinin mətbuat xidmətindən AYNA-ya verilən məlumata görə, 24 yaşlı qadın, həkimlərin səyinə baxmayaraq, bu gün səhər saat 06:20-də aldığı yanıq xəsarətlərdən dünyasını dəyişib.

 

Səltənət Məmmədovanın vəziyyəti də kritik olaraq qalır. Həkimlər onun həyatının təhlükə altında olduğunu deyirlər.

Müəllif: Ayna.az      19 Avqust 2019 11:45
Hadisə bölməsinə aid digər xəbərlər
Ən çox oxunanlar