Uğurları ilə fəxr edilən azərbaycanlı tələbə vəfat etdi

Uğurları ilə fəxr edilən azərbaycanlı tələbə vəfat etdi

 İki gün öncə xəstəlikdən dünyasını dəyişib

 

Türkiyənin Bilkent Universitetində təhsil alan azərbaycanlı tələbə İbrahim Abbasov vəfat edib. AYNA “Qafqazinfo”-ya istinadən xəbər verir ki, universitetin Mexanika Mühəndisliyi fakültəsində təhsil alan həmyerlimiz iki gün öncə xəstəlikdən dünyasını dəyişib.

 

Qeyd edək ki, İbrahim Abbasov kifayət qədər savadlı tələbə olub. O, vaxtı ilə Sabahın Alimləri yarışmasında qızıl medal qazanıb. Bundan başqa, liseyi qızıl medalla bitirib. Həmin il qəbul imtahanında 665 bal toplayaraq ali məktəbə qəbul olub. 2016-cı ildə isə Türkiyənin Bilkent Universitetinə 65,000 dollar (110 min 500 manat) ekvivalentli təqaüd qazanaraq pulsuz təhsil alma şansı qazanıb. 4-cu kursa hazırlaşan İbrahim Abbasov universitetin “Yüksək Şərəf” (High Honor) titullu tələbəsi olub.

Müəllif: Ayna.az      29 İyul 2019 22:41
Hadisə bölməsinə aid digər xəbərlər
Ən çox oxunanlar