Gömrükdə 4 min ədəd siqaret müsadirə olunub

Gömrükdə 4 min ədəd siqaret müsadirə olunub

Müxtəlif markalı siqaretlər və spirtli içkilər aşkarlanıb

 

Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumatlar əsasında 3 fakt üzrə 4000 ədəd müxtəlif markalı siqaretlərin və 19 ədəd spirtli içkilərin qaçaqmalçılıq yolu ilə ölkə ərazisinə gətirilməsinin qarşısı alınıb. Bu barədə AYNA-ya Dövlət Gömrük Komitəsinin (DGK) Mətbuat və İctimaiyyətlə Əlaqələr İdarəsindən məlumat verilib.

 

Belə ki, İdarənin "Qırmızı Körpü" gömrük postunda Gürcüstandan gələn, Azərbaycan Respublikası vətəndaşlarının idarə etdiyi "Vaz 21013", "Vaz 21063" və Gürcüstan vətəndaşının idarə etdiyi "Mercedes Benz markalı avtomobillər saxlanılıb və gömrük baxışı keçirilib.

 

Baxış zamanı avtomobillərin gizli saxlanc yerlərindən 2000 ədəd "Pirveli", 2000 ədəd "King" markalı siqaretlər, hər biri 1 litr olmaqla 13 ədəd "Nemiroff" və 6 ədəd "Nemirovskaya" markalı spirtli içkilər aşkarlanıb.

 

Faktlarla bağlı araşdırma aparılır.

Müəllif: Ayna.az      17 İyul 2019 14:39
Hadisə bölməsinə aid digər xəbərlər
Ən çox oxunanlar