Muəllif:

Avropa çempionatına qoşulacaq taekvondo yığmamızın heyəti bəlli oldu

Mayın 1-də Bakıda taekvondo üzrə Avropa çempionatı start götürür. Taekvondo Federasiyasından apasport.az saytına verilən məlumata görə, kişi və qadınlardan ibarət Azərbaycan yığmaları 4 gün davam edəcək yarışa tam heyətlə qatılacaq.

Belə ki, millimizin baş məşqçisi Ələkbər İmaməliyev çempionatda Mikayıl Əliyev (54 kq), Samir Cavadlı (58 kq), Ayxan Tağızadə (63 kq), Elvin Məmmədov (68 kq), İlkin Şahbazov (74 kq), Ramin Əzizov (80 kq), Radik İsayev (87 kq) və Ceyhun Həsənliyə (+87 kq) şans verəcək.

Qadınlardan ibarət yığmamızın baş məşqçisi Gündüz Abdullayev isə yarışda Türkanə Tahirli (46 kq), Patimat Abakarova (49 kq), Hülya Oveyoğulları (53 kq), Günay Ağakişiyeva (57 kq), Səbinə Mikayılova (62 kq), Fəridə Əzizova (67 kq) və Marina Tedeyevanı (73 kq) sınaqdan çıxaracaq.

Yığmalarımız hazırda Qəbələdə təlim-məşq toplanışındadır.

Звёзд: 1Звёзд: 2Звёзд: 3Звёзд: 4Звёзд: 5Звёзд: 6Звёзд: 7Звёзд: 8Звёзд: 9Звёзд: 10
Oxunma sayı: 107