Muəllif:

Uşaq bağçası direktorunun rüşvətdə «əli gətirmədi»

Xırdalan şəhər 17 saylı uşaq bağcasının direktoru Lalə Əmirovanın rüşvətdə «əli gətirmədi». Direktor xidməti səlahiyyətlərinin icrası ilə əlaqədar Xırdalan şəhər sakinindən onun azyaşlı qızının bağçaya qəbul olunmasına görə 200 manat pul tələb etmiş, həmin məbləğin 100 manatını 2012-ci ilin dekabr ayında azyaşlının bağçaya qəbul edilməsi üçün zəruri olan sənədlərlə birlikdə rüşvət kimi alıb. Əmirova cinayətkar əməllərini davam etdirərək 4 mart 2013-cü il tarixdə xidməti otağında 60 manat məbləğində pulu rüşvət kimi alarkən Baş prokuror yanında Korrupsiyaya qarşı mübarizə idarəsinin əməkdaşları tərəfindən cinayət başında yaxalanıb.

Baş Prokurorluq mətbuat xidmətindən bildirilir ki, onun qanunsuz hərəkətləri barədə şəhər sakinindən Baş prokuror yanında Korrupsiyaya qarşı mübarizə idarəsinin «161-Qaynar xətt» əlaqə mərkəzinə müraciət daxil olmuşdur.
Baxış zamanı Əmirovanın üzərindən rüşvət kimi aldığı 60 manat, şəxsi pul kisəsindən 1.494 manat və 40 avro məbləğində pul, xidməti otağından digər sənədlər aşkar edilərək maddi sübut kimi götürülüb.
Əmirova CM 311.1-ci (rüşvət alma) maddəsi ilə ittiham elan olunmuş və məhkəmənin qərarı ilə vəzifədən kənarlaşdırılmaqla polisin nəzarəti altına vermə qətimkan tədbirləri seçilib. Yəqin ki, Lalə Əmirova bir daha bağça direktoru ola bilməyəcək.

Звёзд: 1Звёзд: 2Звёзд: 3Звёзд: 4Звёзд: 5Звёзд: 6Звёзд: 7Звёзд: 8Звёзд: 9Звёзд: 10
Oxunma sayı: 272